Şirkət haqqında

Qafqazın ən böyük tikinti materialları mərkəzi

 

Qaradağ rayonu Lökbatan qəsəbəsində geniş və müasir infrastruktura malik yeni Abşeron Tikinti Materialları Mərkəzinin inşası davam edir.

Mərkəzin qeyd olunmuş ərazidə yaradılması şəhər mərkəzində sıxlığın aradan qaldırılması, iri tonnajlı maşınların hərəkətinin qarşısını almaqla yol infrastrukturu və ekoloji mühitin yaxşılaşdırılması, kənd təsərrüfatı üçün yararsız torpaq sahələrinin səmərəli istifadəsi və regionların inkişafı proqramı çərçivəsində yeni iş yerlərinin yaradılması ilə əhalinin sosial rifahının yaxşılaşdırılmasına zəmin yaradır.

Tam təmirli Tikinti Materialları Mərkəzi ümumilikdə 152 ha ərazini əhatə edəcək. Burada bütün növ inşaat materiallarının satışı planlaşdırılır. Mərkəzdə qapalı, açıq, yarımqapalı, eyni zamanda anbarlarla təchiz olunmuş sahələrin icarəsi və satışı da nəzərdə tutulub.

Müştərilərin rahatlığını təmin etmək məqsədilə ərazidə avtodayanacaq, otel, bank şöbələri, restoran və digər iaşə obyektlərinin inşası da planlaşdırılır.

Mərkəzdə yüksək xidmət keyfiyyəti ilə peşəkar mütəxəssis qrupu fəaliyyət göstərəcək.

Mərkəzin bu ilin sonunda istifadəyə verilməsi planlaşdırılır.